Ikiliartuinnartut atuarnertik nuannarivaat
Meeqqat ikiliartuinnartut atuarnertik nuannarigaat, kulturimut ilinniartitaanermullu pisortaqarfiup KIIIP-ip misissuisitsinerata takutippaa. Tamannali tupinnarpallaarunanngilaq, pimmataaneq imaluunnit qinngasaarineq nunatsinni nunanut allanut naleqqiullugu atugaanerpaammat.
Meeqqat aqqanilinnik ukiullit 20 %-ingajaat pimmataasarput, Ukrainimiut meerartaat amerlaqqatigiinnangajallugit. Misissuinerit naapertorlugit nukappiaqqat pimmatiginninnerpaasarput, niviarsiaqqallu pimmataanerpaasarlutik.
Tamannali eqqumiilaarpoq, meeqqat atuaqatiminnik iluarisimaarinnittut amerliartulersimasutut isikkoqaraluarmata. Meeqqat 40 %-iisa atuaqatitik iluarilluinnarpaat, meeqqalli sisamaagaangata ataatsip ilinniartitsisuni taama nalilersinnaanagu.
Meeqqat atuarnerminnik iluarisimaarinnittut 1994-imit 2002-mut 10 %-imik ikileriarsimapput, nukappiaqqallu sisamaagaangata ataatsip atuartariaqannginnissani kissaatigisarlugu. Niviarsiaqqat 13 %-ii taama misigisimasarput.
Nunaqarfinni meeqqat atuarnerminnik nuannarineqarnerpaasartut misissuinerup takutippaa, meeqqat tamaasa eqqarsaatigalugit ukioqqortunerit atuarnertik nuannarivallaanngilaat.