Ikiaroornartumik Maniitsumi kingumut nassaartoqarpoq
Inissiami ikiaroortoqarneranik kalerrinneqareernerminni Maniitsumi politiit angut 42-nik ukiulik Nuummeersoq ullumi tigusarivaat. Maniitsumi stationslederi Eigil Lyberth taama nalunaaruteqarpoq.
Allattoq Mads Lynge
Angut ikiaroornartumik pujortaleruttortoq politiit iserput taannalu kaasarfissiornerani ikiaroornartumik hashimik 29,7 gramik nassaarfigitilluni.
Angut taanna assinganik siornatigut pinerlussimanermik tigusaasareersimavoq, suliarlu eqqartuussivimmi suliarineqassalluni. Suliassat allat angummut tunngassuteqartut maanna aamma suliarineqaleruttorput. Stationslederi Eigil Lyberth taama oqarpoq.
Angut 32-nik ukiulik ikiaroornartumik hashimik 470 gramimik Maniitsumut eqqussiniaraluaq Politiinit ippassaani tigusarineqarpoq.