Angut 53-inik ukiulik Nuummeersoq, ikiaroornartumik Hash-imik eqqussisimasutut pasineqarluni, sapaatip akunnerini sisamani tigummigallagassanngortinneqarpoq.
Pineqartoq pillugu paasissutissanik tunniussasaqarpallaanngilagut, suliaq matoqqasumik suliarineqarmat, politiit ikiaroornartut pillugit suleqatigiit aqutsisuat, narkogruppit aqutsisuat, Finn Jeppesen oqarpoq.
Ikiaroornartoq Hash annertuupillussuaq eqqunneqarsimavoq, qanorli annertutiginersoq angullu qanoq ilinikkut tigusarineqarsimanersoq, Finn Jeppesen-ip oqaluttuarisinnaasimanngilaa - sermitsiap qarasaasiakkut nittatargaani tamanna atuarneqarsinnaavoq.
Angut 53-inik ukiulik Nuup eqqartuussiviani ippassaq sassartinneqarpoq, ikiaroornartorlu pillugu inatsimmik unioqqutitsisimasutut pasineqarluni sapaatip akunnerani sisamani tigummigallagassanngortinneqarluni
