Ikiaroornartumik akiuiniarneq aallartinneqareerpoq
Imigassamik Ikiaroornartumillu siunnersuisooqatigiit siorna suliakkerneqarnertik tunngavigalugu, ikiaroornartumik akiuiniarnermi iliuusissatut pilersaarummik siunnersuusiorput.
Paarisami siunnersortitut atorfilik, Anne Marie Dahler-Larsen ilisimatitsivoq, siunnersuisooqatigiit siunnersuutaat ilaatigut aallartilluareersimasut.
Soorlu isumaginninnermik suliallit tamakkuninnga suliaqarnissaminnut ilinniarteqqinneqarnissamik pisariaqartitsinerat aallavigalugu, ilinniarfeqarfinnut assigiinngitsunut saaffiginnissuteqarsimallutik oqarpoq.
Meeqqat ikiaroornartumik tuniaasarnerat, siunnersuisooqatigiinnit aamma eqqartorneqarsimavoq. Tamatumani inassutigineqarpoq, suliat piaarnerpaamik, tassalu isumaginninnermik sulialinnit, politiinit atuarfinillu akunnerminni suleqatigiissutigalugit aallartinneqartassasut.
Ikiaroornartumik tunianiaasarnermut tunngatillugu, kommunini ataasiakkaani suleqatigiit, tassalu isumaginnittoqarfik, politiit, atuarfiit peqqinnissaqarfiillu suleqatigiinnerisa nukittorsaqqinneqarnissaat aamma Anne Marie Dahler-Larsenip siunniunneqarnerarpaa.
