Sisimiuni ikiaroornartulerinermut suliaq tunngasoq nutaaq aallartippoq. Angutit marluk sapaatip-akunnerani kingullermi tallimanngornermi politiinit tigusarineqarput.
Angutit marluk arfininngornermi eqqartuussivimmi inatsit tunngaviusoq naapertorlugu killisiorneqarput, suliallu paasiniarnerani sapaatip-akunnerini pingasuni tigummigallagassanngortinneqarlutik, taama nalunaarpoq Sisimiuni politeeqarfiup pisortaa Hans Falck-Petersen.
Angutip tigusap aappaa ujajaasimasutut pasineqaportaaq.
Politeeqarfiup pisortaa allamik paasissutisseerusunngikkallarpoq, eqqartuussivimmi killisiuineq matoqqasumik ingerlanneqarmat.