Ikiaroornartoq 13 tons pillugu eqqartuussineq

Danmarkip oqaluttuarisaanerani aatsaat taama annertutigisumik ikiaroornartoq pillugu Østre Landsret-imi eqqartuussummik ullumi aalajangiisoqassaaq.

Angut 31-nik ukiulik toqutsisimasutut, hashimik 13 tonsimik eqqussisimasutut allanillu pinerluuteqarsimasutut pisuutinneqarpoq.

Østre Landsretimi ullumi suliamik annertuumik naammassinnittoqarpoq, tassalu hashimik 13 tonsimik eqqussisimaneq, toqutsisimaneq, toqungasup timaanik innimiilliorfiginnissimaneq ikuallatsitsisimanerlu, eqqartuussutikkut aalajangiivigineqarmata.

Angut inatsimmik sisamariarluni unioqqutitsisimasutut pisuutinneqarpoq, minnerunngitsumillu 13 tons hashimik eqqussisimasutut toqutsisimasutullu ikuallatsitsimasutullu pisuutinneqarluni.

Angut 2003-mi marsip qaammataani Frankrigimi umiatsiarseriarluni Marokkoliarsimavoq, aalisariummiillu hashi 13 tons usilersuuteriarlugu Danmarkimukaasimallugu. Angutip ikiortinilu juuni qaammat gummibådi atorlugu hashi Danmarkimut nunnigussimavaat tassanngaaniillu hashi 13 tons tuniniaqqissimallugu. Juuli qaammat ikiaroornartumik suleqataasut ilaat akeqqiunneqarsimavoq kingornalu toqunneqarsimalluni. Taamaaliorsimanerlu angutip pineqartup eqqartuunneqaatigaa. Angutip 31-nik ukiullip saniatigut hasheerniaqatigisartagai pingasut Polenimiut marluk Marokkomiorlu pisuutinneqarlutik suliami eqqartuunneqarput. Naak angutit taakkua sisamat pisuutinneqarlutik eqqartuunneqaraluartut hashi annertoorujussuaq nassaarineqarsimanngilaq

Ishøjimi hotelip quersuaniit tuniniarneqapallassimammat. Taamaakkaluartorli eqqartuussisooqataasut aalajangiinerminni uppernarsaatissaqarsoraat taama annertutigisumik eqqussisoqarsimasoq. Eqqartuussisullu maannakkut aalajangiivigissavaat eqqartuunneqartut qanoq pillaatissinneqassanersut.

Angut qanoq pillaatisissanersoq ullloqeqqata kingornagut aalajangiivigineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat