Ikerasammi qullukkanik tunisassiulerusupput
Nunaqarfinnik ineriartortitsineq eqqarsaatigalugu nunaqarfiit tikillugit inuussutissarsiornikkut periarfissaannik ujartuiffigineqaleruttorput.
Allattoq Jaaku Lyberth
Ikerasammi, Uummannap eqqaaniittumi, innuttaasut tallimangormat tusarniarneqarmata qullukkanik tunisassiulersinnaaneq saqqummiunneqarpoq, nunaqarfiup taassuma eqqaani qaleraleqarluarmat. " Isuma tamanna innutaasunit tapersersorneqarluarpat, siunissami pivisunngorsinnaasut tamanna ilagaat" , Jens Kristian Therkildsen Ikerasak oqarpoq.
Piginneqatigiilluni ingerlatseriaatsimik aallartitsinissamik siunnersorneqarnissaq Ikerasammi innutaasut pisariartillugu oqaatigaat aammalu timersortarfeeraqalernissaq anguguniarneqassasoq tusarniaanermi saqqummiunneqarpoq.