Ikaartarfik Københavnimiittoq aakkiartortoq inuit takusinnaassavaat
Sikup aakkiartortup kusernera inuit Københavnimi Christiansborg Slotspladsimi sapaatip-akunnerni marlunni tulliuttuni tusaasinnaassavaat. Eqqumiitsiliortoq Norgemeersoq Vebjørn Sand sikumik ikaartarfissualiorsimavoq, silallu pissusaa pillugu Københavnimi ataatsimeersuarnerup nalaani aakkiartortussaalluni.
Allattoq Mads Lynge
Silap pissusaata allanngoriartornerata kingunipilui taamaaliornikkut takutinniarneqarpoq, eqqumiitsuliiortullu suliani ippassaq atoqqaarfissiorpaa.
Sikumik ikaartarfissualiaq Ilulissani sikumik ukioq manna januaarimi ikaartarfiliamut assinguvoq, soorlu aamma Sikuiuitsoq Kujallermi 2006-imi taamaattumik ikaartarfiliortoqartoq, Naalagaaffiillu Peqatigiit New Yorkimi qullersaqarfiata saavani 2007-imi sikumik aamma ikaartarfiliortoqarluni.
Eqqumiitsuliortup Leonardo da Vincip titartagai najoqqutaralugit sikumik ikaartarfiliortoqarpoq.