Ikaartaat Shetlandip Qeqertaanukartalissaaq
Savalimmiut Hanstholmillu akornanni umiarsuaq ilaasartaat siunissami Shetlandip Qeqertaanut aamma aqqusaartalissagunarpoq.
Shetlandip Qeqertaani innuttaasut savalimmiormiut umiarsuaatileqatigiiffiat, Smyril Line, kikkut tamat malinnaaffigisinnaasaannik akerlerisimavaat, Danmarkimukartoqarnerani aqqusaartitsisarnertik unitsinniarmassuk. Shetlandip Qeqertaani innuttaasut Smyril Linemik piginnittut, ilaasartaatip Norrønap Shetlandip Qeqertaani sananeqarnerani aningaasaateqarfimmut tapiisimammata, Danmarkimi eqqartuussivilersuunniarlugit siorasaarisimapput.
Umiarsuaatileqatigiiffik aningaasaateqarfimmut tapiisimanini pissutigalugu Shetlandip Qeqertaanut aqqusaartariaqartoq, aningaasaateqarfimmi siulersuisut aalajangerput.
Smyril Linemi piginnittut paarlattuanik isumaqarput, oqalrlutik, Shetlandip Qeqertaanut aqqusaartalissagaluarunik 100.000 koruunit aqqusaarnerit tamaasa annaasassallugit.
Sulialli eqqartuussivimmut anngutinnginnerani illuatungeriit maanna isumaqatigiipput.
Umiarsuaq ilaasartaat, Norrøna, Shetlandip Qeqertaanut qaammammut marloriarluni aappaagumiit aqqusaartarsinnaassaaq.
