Iisartagaq eqqaamasanik nuanniitsunik puigortitsisarpoq
Napparsimasut sianiutiminnik qasusoorujussuarsimasut, inuillu misigisaqarnerlussimallutik eqqarsaatiminnik utertooqqajaasut taamaattunik iisartagartorunik peqqissinerussasut ilisimatuut oqaatigaat. Aviisi The Daily Mail taama allaaserisaqarpoq. Iisartakkalli sunniutai sukumiilluinnaqqissaartumik misissorneqartussaammata, ukiut arlallit qaangiuppata aatsaat napparsimasunut tunniunneqarsinnaalissapput.
- Iisartakkat eqqaamasinnaanermut qanoq sivisutigisumik sunniuteqartarnersut tulliullugu misissussavarput. Inuillu sianiutiluttut arlaannilluunniit nappaateqarsoriuaannartut misiliutigissavavut, nakorsaq Kindt aviisimut The Daily Mailimut oqarpoq.
Paasisimannilluartulli arlallit mianersoqqusipput:
- Eqqaamasat nuanniitsut peerniarneri unnguertinnermut milaajartinnermullu
assersuunneqarsinaannngillat. Kinaassuserput allanngortissavaa, tassami eqqaamasatsinnut pituttoqqasugut oqartoqarsinnaammat, Londonimi St. George Universitymeersoq, nakorsaq, Daniel Sokol oqarpoq.
