Qeqertarsuup Tunuani sermit iigartartut pillugit filmiliaq naammassisussanngorpoq.
Kalaaleq filmiliortartoq Isak Kleist Qeqertarsuup Tunuani sermersuit iigartartut marluk pillugit filmiliaminut Danmarkimi avatangiisinut aqutsisoqarfimmit 213.000 koruuninik tapiiffigineqaqqammerpoq.
Filmi namminersornerullutik oqartussanit ilaatigut aningaasaliiffigineqareersimasoq maanna 1,1 million koruunit pallillugit akeqarsimavoq. Inaarnissaanulli aningaasartuutit kingulliit amigaatigineqarsimallutik.
- Nunatsinni tapiiffiginissaarukkama Danmarkimut nuuppunga, Isak Kleist radioaviisimut taama oqarpoq.
Filmiliami isiginnaarneqarsinaassaaq sermit iigartartut uumasoqatigiinnut qanoq pingaaruteqartiginersut nunattalu aningaasaqarniarneranut pingaaruteqartiginerat.
Kalaallisut danskisut tuluttullu filmi isiginnaarneqarsinnaanissaa anguniarneqarpoq, aggustimi naammassisussatut naatsorsuutigineqarluni.
