Canadami Igloolimmi angut niviarsiaqqat arfineq-pingasut kinguaasiuutaannik atornerluisimasutut eqqartuussivimmit ukiuni arfinilinni paarnaarussivimmiittussanngorlugu pisuutinneqarpoq. Niviarsiaqqat arfineq-pingasuniit 13-t tikillugit ukioqarput.
Angutip niviarsiaqqat sakkukitsuinnarmik kinguaassiutaasigut atornerluttarsimagai illersuisuata Peter Fuglsangip tunngavilersuutigisimavaa. Taamaakkaluartorli inuiaqatigiit illersorneqarnissaat pingaaruteqartutut isigigamiuk eqqartuussisoq aalajangermat isumaqataasimavoq.
Angut alla 52-inik ukiulik qaammat kingulleq niviarsiaqqanik ukiukitsunik 2002-mi atornerluisimasutut aamma pisuutinneqarpoq.