Igitsinimiut siunnersuutaat Hamasikkut akuersaarniarpaat

Gazami akersuunnerit unitsinniarneqarnissaat siunertaralugu Igitsinimiut siunnersuutaat islamisiortut Hamasikkut akuersaarniarpaat.

Spaniumiut nunanut allanut ministeriata Miguel Ángel Moratinos Spaniami aviisit ilaannut El Paísimut oqarpoq.

Israelimiut Igitsinimiut siunnersuutaat suli akuersaanngilaat, aqaguli akissuteqassamaartut Moratinosip oqaatigaa.

Ayman Taha, Hamasip siuttuisa ilaat, oqarpoq tusagassiortunik Kairomi unnugu katersortitsinikkut Igitsinimiut siunnersuutaat qisuariaateqarfigineqarumaartoq.

Sakkuaakkunnaarallarnissaq pillugu Igitsinimiut naalakkersuisunik isumaqatiginniarnerit Ayman Tahap peqataaffigai, sakkuaakkunnaarallarnerlu Tyrkiap qularnaarniartussaagaa aamma oqaatigineqarpoq.

Alaatsinaattut nunanit allaneersut sakkuaaffiusumi inissinneqarnissaat aamma isumaqatigiissutigineqarpoq, sakkutuulersuisoqarnissaa orniginartinneqannginnami.

Isumaqatigiissutiginiarneqartup nalorninartortaqarnera, Hamasi sinnerlugu oqaaseqartartup Osama Hamdanip Arabiamiusut oqaasillit tv-qarfiannut Al-Jazeeramut nalunaarutigaa.

Israelip akunnerit 48-t ingerlaneranni Gazamit qimagunnissaa piumasaqaatigineqarpoq, ikiorsiissutillu ullut pingasut ingerlatinnagit eqqussorneqarsinnaalernissasat piumasaqaatigineqarpoq, sakkuaakkunnaarallarnissarlu ukiumik ataatsimik sivisissuqassasoq aalajangiunneqarluni.

Israelimiut Gazamik saassussinerat januaarip ulluisa pingajuanni aallarnerneqarpoq, Hamasikkut raketinik saassussisarnerat matumani unitsinniarneqarluni.

Palæstinamiut 1000-init amerlanerusut maannamut toqutaasimassangitinneqarput.