Igitsinimi pæsidentiusimasoq Hosni Mubarak 91-inik ukioqarluni toquvoq. Igitsinimi naalagaaffiup tv-qarfia taama ilisimatitsivoq.Assi: Amr Abdallah Dalsh/Reuters/Ritzau Scanpix

Igitsinimi præsidentiusimasoq Mubarak 91-inik ukioqarluni toquvoq

Hosni Mubarak ukiuni 30-ni præsidentioreerluni 2011-mi akerliussutsimik takutitsisoqangaatsiarnerani uppisinneqarpoq eqqartuussivimmullu tunniunneqarluni.

Igitsinimi pæsidentiusimasoq Hosni Mubarak 91-inik ukioqarluni toquvoq. Igitsinimi naalagaaffiup tv-qarfia taama ilisimatitsivoq.

Mubarak igitsinimi 1981-imit 2011-mut præsidentiuvoq. Taamanikkut uppisitaavoq parnaarunneqarlunilu. Nunami tassani akerliussutsimik upernaakkut taamanikkut takutitsisoqaqattaarpoq.

Mubarak pikitsisut unitsinniarneqarnerannut sakkortuuliortutut pasineqarluni 2012-imi upernaakkut eqqartuussaammat inuunermi sinnerani parnaarussassanngortinneqarpoq.

2017-imili taava pinngitsuutinneqarpoq, iperagaallunilu. Unnerluussutini allani aamma pinngitsuutinneqarpoq.

Mubarakip nuliani, Suzanne Sabet erninilu marluk Alaa aamma Gamal qimappai.

/ritzau/Reuters

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat