Igasuullammak nunatsinneersoq Danmarkimi tv-kkoortinneqarpoq
Igasullammattut toqqagaq Hotel Hans Egedemilu igaffimmi ittuusoq, Jeppe Ejvind Nielsen, tuttup neqqarinnersaanik sassaalleeqqammerpoq aallakaatitami ”Go morgen Danmarkimi”, TV2 –kkut ullat tamaasa aallakaatinneqartartumi.
- Kalaallit Nunaanneersoq tuttup neqaa, tuttumit pinngortitami inuusumeersuuvoq, tamannalu neqip mamassusaatigut malugineqarsinnaavoq, Jeppe Ejvind Nielsen, aallakaatitamik aqutsisunut Ole Stephensenimut aamma Morten Reesenimut oqaluttuarpoq.
Tuttup neqaata saniatigut kuannit aamma paarnat sassaalliutigineqarput.
- Issera sakkortuvoq mamarluinnaqqissaarlunilu, tv-imi tusagassiortoq Morten Reesen oqarpoq.
Akunnerit marluk ingerlaneranni ullaakkut aallakaatitsinermi, iganeq, atisat mutit, inuiaqatigiinnut tunngassuteqartut qulequttat, atuakkat imaluunniit nipilersukkat saqqummersitat nutaat aammalu TV-mi nutaarsiassat isiginnaarneqarsinnaasarput.