Igasup ikiaqutaannaalluni nanoq qimaatikkaa
Ikerasassuarmi silasiorfimmi sulisut ippassaq ukiormanna siullerpaamik nanumik qaninngoorneqarput. Igasullu sapiitsuliorluni - ikiaqutaannaq - nanoq qimaatissinnaasimavaa.
Allattoq mlk, Simon Uldum
apriilip 01-at 2014 07:09
Nanoq ullaassakkut nalunaaqutaq sisamanut takkussimavoq. Arnaviaavoq tumaa centimeterinik 40-nik angissuseqarput, Claus Bo Jensen Ikerasassuarmit (Prins Christian Sund) taama oqaluttuarpoq.
Nanoq igeriartoqarnera imaluunniit igasoq ikiaqutaannaasoq takullugu tupassimanersoq oqaluttuarineqanngilaq. Qujanartumilli qimaatinneqarsinnaasimavoq.
Ikerassuarmi sulisut nannumik allamik aamma qaninngoorneqarput. Tamatumuuna nanoq angutiviaq saluttoq nererusuttorlu, taassumalu qisuk apummi napasoq assut soqutigisimavaa.
- Uumasut kusarnarluinnartoq alutornartorlu, takussallugu qatsutassaanngivissoq, Claus Bo Jensen, oqarpoq, nanorlu angutiviaq (assini takuneqarsinnaasoq) meterinik 8-10-nik qanitsigisimavaa.
