Igasunngorniat unammileqaat

-Igasunngorniat ilinniartuutivut unammiuaartalernissaat ukiorpassuarni piviusunngortikkusuttarsimavarput, isumaqaratta ilinniartut suliamut pissanganarluinnartumut soqutiginninnerat piumassuseqarnerat pikkissunngorusussuseqarnerallu annertusitissinnaallutigu, taama allappoq Inuussutissalerinermi Ilinniarfiup pisortaa Esben Tofdahl, Inuilip qarasaasiakkut mappersagaani.

Nunatsinni igasunngorniat siullerpaamik siorna pissatanngorniutsinneqarput. Ukioq manna inuusuttut 17 –it 21 –llu akornanni ukiullit Pituffimmiit, Kangerlussuarmiit, Nuummiit Narsarsuarmiillu peqataapput.

-Ilinniartut nalunngereerpaat suut atussallugit. Kapisilik nunatsinneersoq kissartuliarissavaat, kinguleqqiutaassallutik raajat. Piumasaraarput kinguleqqiusiaanni nunatta pii ikinnerpaamik marluk iganermi atorneqassasut, Esben Toftdahl oqarpoq.

Igasut unammisut 20 minutte-nik nikingasarlutik aallartittassapput. Inunnut arfinilinnut iganerminni 4 ½ timet atussallugit. Naammassigunik inummut ataatsimut nerisassiatik assilisassanngorlugit tunniutissavaat. Nerisassiat marluk dommerinut sisamanut kiisalu inunnut pingasunut nerisassiatik pulaartunut misilitassanngortillugit.

- Kingulliup nerisassiani ualeru pingaso´qeqqa naammasseriissavai, Esben Toftdahl qiimaqisoq ullaaq manna radioaviisimut oqarpoq.