Igasunngorlaaq iggarinnerpaavoq

Nunatsinni igasut ukiormanna iggarinneqqusaannerat, Narsami inuussutissalerinermik ilinniarfimmi INUILI-mi sapaatip akunnerata naanerani ingerlanneqarpoq,
Allattoq Elisa Isaksen
novembarip 01-at 2009 17:15

Iggarinnerpaasorlu tassaalluni Inunnguaq Hegelund, igasunngoqqammersoq. Sermitsiap nittartagaani taama allaaserinnittoqarpoq.

Inunnguaq Hegelund manna tikillugu igasut nuimasut akornanni ilisimaneqanngikkaluarpoq, tassami Narsami iggarinneqqusaannissaq ullunik tallimaannarnik sioqqullugu Ilulissani Hotel Arcticimi igasutut naammassigami.

Igasunngoqqaarli iganermut piginnaasaqarluartuuvoq, ukiormannalu iggarinneqqusaannermi iganeqartussat qeeraq uiluiillu, qanoq iganissaat nalornisigisimanngilaa.

Igasut iggarinneqqusaanneranni normu 2-nngorpoq Troy Burdon Hotel Arctic-imi igasuunerup tullia, Mikael Hanssonilu Nuummi Hotel Hans Egedemeersoq normu 3-nngorluni.

Igasunngorniani ukiormanna igasunngorniallammattut toqqarneqartoq tassaavoq Åge Lennert Olsen, Hotel Hans Egedemi ilinniartuusoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq