Igasoq aningaasanik equigami suliffimminut uteqqinngilaq

Danmarkimi hiistinik oqilaneqqisaatsitsinermi eqqoriaanerni akissarsiassaq annerpaaq 17 millionit koruuninik aningaasartalik igasumit eqqorneqarpoq.
Allattoq Louise M. Kleemann
novembarip 10-at 2008 10:06

Igasoq Helsingørimi neriniartarfimmi Havbadimi igaleruttortoq ernerata sianerfigaa millionerpassuarnillu eqquisimaneranik qujasarlugu. Aviisimi Helsingør Dagbladimi taama allaaserinnittoqarpoq.

Taama pisoqarmat igasup igaani neriniartarfimmilu inuppassuit julefrokostertut nerisassaminnik utaqqisut qimaannarlugit anisimavoq, taamanimiillu neriniartarfiutillit igasoq takoqqissimanngilaat.

Igasoq qimaammat neriniartarfiutillit iggaviliartariaqarsimapput igaavilu nangillugit.

- Taamanili takoqqinnagulu tusarfigeqqinngilarput, aammami uanga aningaasanik taama amerlatigisunik eqquigaluaruma taamaaliorsimassagaluarpunga, neriniartarfiutilik Hanne Pagh taama nassuerpoq.

Igasoq aviisimut oqarpoq, taama tusarlerneqarnini tupaallaatigingaaramiuk “anisariaqarsimalluni”.

Ilami tassanngaannaq 17 millionit koruuniuteqalerluni tupannassaqigami.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq