Igalikumiut amerlanersaat akerliupput

Meeqqanut quliniit 14 tikillugit ukiulinnut ulloq unnuarlu Igalikumi inissiiveqalernissamik isuma, Isumaginninnermi Pisortaqarfimmi suliluunniit akuerineqanngitsoq akerlilersorneqalereerpoq.

Ullumikkut ulloq tikillugu Igalikumiut nunaqqatigiit 20-30-llu akornanniittut ilaat 18-t akerliullutik atsioreersimapput.

Pilersitsiniartut tassapput Inge aamma Marius Nielsen, Qorlortorsuarmi Nanortallip pigisaani savaateqarfimmeersut. Suliaq Inatsisilerituut suliaraat, akornutissaasinnaasullu tamarmik qaangerneqareerpata Isumaginninnermi Pisortaqarfimmut qinnutigineqassaaq.

Igalikumi ulloq unnuarlu paaqqinnittarfissami meeqqat qulit, 10 –niit 14 –tikillugit ukiullit inissinneqartarnissaat pilersaarutaavoq, siornatigut Cafeteriaasimasumi, taanna iluarsaanneqareeriarpat.

- Igalikumi alliartorpunga asanninnermik qanilassusermillu pissarsiffiginikuullugu. Uppernarserusukkaluarnermik meeqqat taakku uagutsitulli pilluarnermik pisinnaanerat, Inge Nielsen oqarpoq.

Kisianni Igalikumiut, pingaartumik utoqqaanerusut, paasisinnaanerarpai akerliummata, kisianni pisariaqalernerarpaa meeqqanik sumiginnakkanik ikiuinissaq inuiaqatigiit pisussaaffigimmassuk.

Aamma Igalikumi innuttaasut annilaanngatissaqannginnerarpai meeqqat meeraammata quliniit 14-it tikillugit ukiullit taakkulu ulloq unnuarlu atasuinnarmik nakkutigineqartussaammata.