Igalikumi isumaqatigiissut Ilisimatusarfimmi oqaluqiaatigineqassaaq
Igalikumi isumaqatigiissut ilisimatusarfimmi ullumi oqalugiaatigineqarlunilu oqallisigineqassaaq. Jan Øberg eqqissinermut aaqqiagiinnginnernullu ilisimatusartartup illersorlugulu akerlilersussavaa, Jan Øbergimi isumaqarpoq USA-p atomip nukinga atorlugu sorsulersinnaanera nunatta isumaqatigiissuteqarnermigut piviusunngortikkaa.
- Pituffiup USA-mit killeqanngitsumik atorsinnaalerpaa, sorsunnissarlu piareersarsinnaalerlugu, Jan Øberg oqarpoq.
- Siunissami naalagaaffiit sorsuunnissaannut Kalaallit Nunaat periarfissiippat, eqqissineqarnissaanut pilliuteqarsinnaasariaqartoq, Jan Øberg isumaqarpoq.
Nunarpullumi qanoq isilluni eqqisseqatigiinnissamut suliniuteqaqataasinnaanersoq Jan Øbergip oqalugiaatiginiarpaa.
Ilisimatusarfimmi oqallinnermut atatillugu nunanut allanut ataatsimiititaliami ilaasortat Aqqaluk Lynge aamma Per Rosing Petersen saqqumiussaqarniarput.
Taamaaqataanillu nunanut allanut pisortaqarfimmi pisortaq Inuuteq Holm Olsen aamma ilisimatooq Nikolaj Petersen Aarhusip ilisimatusarfianeersoq saqqummiusaqarniarput.
