Igaliku nalliuttorsiorpoq

Nunaqarfiup Igalikup ukiunik 225-nngortorsiornera inuppassuarnit persuarsiutigineqaqisumik peqataaffigineqarpoq.
Allattoq Elisa Isaksen
juulip 20-at 2008 14:05

Nalliuttorsiornermut atatillugu aaqqissueqataasoq, Lisbeth Søvndahl Pedersen manna Igalikumiittoq Radioaviimut oqarpoq inuit 3-400-t missaanniittut maanna Igalikumiittut, taamalu nunaqarfiup innuttaasa quleriaatai maanna nunaqarfimmiittut.

Nalliuttorsiorneq aallartimmalli assigiinngitsunik aliikkusersuisoqarpoq.

Igalikup nalliuttorsiornerannut atatillugu aaqqissuussinerit arlaqarput ullumikkullu eqqaassutissamik uleersineq nersornaasiinerillu ingerlanneqartut, Lisbeth Søvndahl Pedersen oqarpoq.

Nunaqarfimmiut nunaqarfiup ernerisa ilaat ilisimaneqarluartoq Jakob II Egede nalliuttorsiutiginiarpaat. Tassa eqqumiitsuliortup Peter Kujooq kristiansenip kiataannaatillugu inuusaliaa ullumikkut uleerneqartussaammat.

Igalikup nalliuttorsiornera pillugu Radioaviisimi unnugu annerusumik ilanngussaqarumaarpugut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq