Icelandairip pisortaanera soraarsitaavoq
Timmisartortitseqatigiiffiup piffissami sivisuumi aningaasatigut ingerlanerliornerata kingunerisaanik Jón Karl Ólafssson soraarsinneqartoq, nutaarsiassaqartitsivik Travel People tusarliivoq.
Taarserlugu timmisartortitsiseqatigiiffimmi pisortanngorpoq, Björgólfur Jóhansson, aalisakkanik suliffissuaqarfimmeersuusoq.
Timmisartortitsitseqatigiiffiup siulersuisuini siulittaasoq Gunnlaugur M. Sigmundsson oqaluttuarpoq, timmisartortitseqatigiiffimmik SAS-imik suleqateqarneq aallarteqqinniarlugu oqaloqatigiittoqartoq. SAS-imik suleqateqarneq ukiup ataatsip affallu matuma siornagut unitsinneqarpoq.
Taamanikkut Icelandair timmisartortitseqatigiiffimmit Sterlingimit pigittumit ataatsimit pigineqarpoq,
taamaattumillu SAS Icelandairimik suleqateqarusunngilaq. Icelandair aktianik piginneqatigiiffiuvoq, timmisartunut ilaasunik nassiussanillu assartuinermik immikkoortoqarfeqarluni, taamatullu angallannermut allaffeqarfeqarluni akunnittarfiuteqarlunilu.
