Icelandairip Air Greenlandillu suleqatigiinnertik annertusarpaat
Isumaqatigiissuteqarnerup nassataanik Air Greenlandimut aamma Icelandairimut ilaallutik angalasussat aqqutaa tamaat bilitsi ataasiinnaq atorlugu angalasinnaalerput, nassatallu tunniussat ornitaq tikivillugu assartorneqarlutik.
Suleqatigiinnerup nukittorsarneqarneratigut aamma nunatsinni innuttaasut nunarsuarmi sumiiffinnut allanut angalasinnaanissaat siornatigumut naleqqiullugu pisariinnerulissaaq, tamatumani Icelandairip nunarsuarmut tamarmut attaveqaatai atorneqassammat.
Isumaqatigiissuteqarnissaq sivisuumik piareersarneqarsimavoq, Air Greenlandillu siammarterinermi tunngavissaminik nutaamik Amadeus Alteamik atuilerneratigut teknikkikkut aporfissaq kingulleq qaangerneqarsimalluni.