ICC: Uran pillugu paasititsiniaasoqartarniarli

- Narsami innuttaasut pisortat illuutaasa initaanni ataatsimeeqquneqanngitsoornerat toqqissisimananngilaq. Taama oqarpoq Inuit Issittormiut Siunnersuisoqatigiiffiata, ICC-ip, Kalaallit Nunaanni siulittaasua, Aqqaluk Lynge, aamma isumaqartoq, inuit katersuussinnaatitaanerannik tunngaviusumik inatsimmi allassimasoq kanngunarsagaasoq.

- Silaannaap kissatsinneranit Issittoq eqqorneqaannartoq aatsitassarsiortut aamma ilanngullugit silaarutsissimagunarpai, taamaattumik inuinnaat pisunik nakkutiginninnissaat pisariaqarluinnarpoq, soorlu Finn Lynge aamma Earth Charter Narsami ajunngitsumik malitassaasumillu iliortut. Tassami aatsitassarsiorniat pisortallu illuinnaasiortumik ilisimatitsisarnerat pinngitsoorani illuatungilertariqarpoq. Taamaattumik uranisiornerup qanoq navianartigineranik inunnut avatangiisinullu qaammarsaanissaq pisariaqarpoq, ICC-ip siulittaasua tusagassiuutinut allappoq.

Aqqaluk Lyngep tikkuarpaa, pingaarnerpaasoq ilisimassallugu Danmarkip naalagaaffiata Naalagaaffiit Peqatigiit aqqutigalugit aalajangersaaqataaffigisimasai Kalaallit Nunaanni aamma malinniartussaagatsigik, Narsamilu pisoq assersuutissaqqinnerarpaa, Kalaallit Nunaanni ullutsinni pisussaaffik ingalassimaneqarmat.

Taamaattumik Kalaallit Nunaanni politikerit pinngitsooratik akisussaaffigaat avatangiisit pillugit naliliisarfik innuttaasut Kalaallit Nunaanni illuinnaasiunngitsumik ilisimatinneqartarnissaannik qulakkeerinnittussaq pilersissallugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat