ICC-p USA unnerluutigaa

USA inuit pisinnaatitaaffiinut narrunarsaanerarlugu Inuit unnerluutiginnipput. Taama unnerluussisoqalerpoq, silap pissusia pillugu FN-p siuttuisa Montreal-imi ullumi naggataartumi ataatsimiinneranni.

- Nunarsuarmut tamarmut siaruarsimasumik silaannaq kissatikkiartorpoq, nunanilu issittumi sermeq aakkiartormat piniartut kulturiat aserugaajartorluni, taamaakkaluartoq USA iliuuseqarnianngilaq, taama Ritzau-ip nutaarsiassaqartitsivianut oqarpoq, ICC-p siulittaasua Sheila Watt-Cloutier.

ICC-p taama unnerluussinini Amerikami inuit pisinnaatitaaffii pillugit ataatsimiititaliarsuaanut Amerikami Washingtonimiittumut tunniutereerpaa. Unnerluutiginnillunilu allagaq taanna 163-nik quppernilik inunnik 63-nik Canadameersunit Alaskameersunillu uppernarsaasuuffigineqarpoq.

ICC-p taama USA-mut ukkissineranut tunngaviuvoq,

USA taannaammat gassiliorfissuarnik aniatitsisuusartoq, taamalu nunat tamalaat CO2-mik milliliiniarlutik tamaviaarnerannut peqataarusussimanngimmat.

Maanna ataatsimeersuarnermi matumani silap pissusia pillugu Motrealimi ataatsimeersuartoqarnerani USA-miit peqataasoq Paula Dobriansky tamanna pillugu akissuteqarumanngilaq.

- Misissuereerutta aatsaat kingorna akissuteqarumaarpugut, taama Dobriansky akiinnarpoq.