Avatangiisit pillugit Folketingip ataatsimiititaliaa Inuit Issittormiut Kattuffiata ICC-p Alaskami juulimi ataatsimeersuarnissaanut peqataaqqusissummut naaggaarpoq.
Qaaqqusinermi aningaasartuutaasut ICC-mit akilerneqartussaagaluit qaaqqusat aggernianngillat.
Naaggaarnertik oqaluuserisassat annertuallaanaagaasimanerannik naliginnaavallaarnerannillu tunngaveqartoq Avatangiisit pilllugit Folketingip Ataatsimiititaliaani siulittaasoq Konservativineersoq Christian Wedell Neergaard oqarpoq.
ICC-p Barrow-mi ataatsimeersuarnerani silaannaap allanngoriartornerata issittumut kinguneri sammineqartussaapput.
Christian Wedell-Neergaard oqarpoq qaaqqusissut Folketingip nunarput pillugu ataatsimiititaliaanut taamaattoq ingerlateqqinniarneqartoq.
ICC 1977-imi pilersinneqartoq Alaskami Barrow-mi juulip qulingiluata 13-iatalu akornanni qulissaannik ataatsimeersuassaaq.
Ataatsimeersuarnissami ICC-p ukiuni 30-ini angusaanik naliliisoqassaaq siunissarlu eqqartorneqassalluni.