ICC-p Nunatsinni immikkoortortaqarfiata Naalakkersuisut isornartorsiorpai

Inuit Issittormiut Siunnersuisoqarfiata Kalaallit Nunaanni immikkoortoqarfiata siulittaasua Carl Christian Olsen, Naalakkersuisunut taama sakkortutigisumik isornartorsiuteqartuuvoq. Olsen isumaqarpoq Nunatsinni naalakkersuisut nunarsuarmioqatigiit aalajangersagaat qulaatiinnarlugit iliuuseqartut. Taamatut aalajangerneq Kalaallit Nunaata nunarsuarmi isigineqarneranut allannguerujussuartussaasoq aamma oqaatigaa.

- DICC isumaqarpoq aningaasarsiornikkut aatsitassarsiornermi allatigut nammattumik periarfissaqartugut suliffissanillu nutaanik pilersitsisinnaasunik, sunali tamaat værsgoginnarsinnaanngilarput, Carl Chr Olsen oqarpoq. Aarleqqutigaarput  nunatta aalajangernera ima paasineqassasoq tassa Kalaallit Nunaat avataaneersunut paggatasiissutigineqartoq, Carl Chr. Olsen nassuiaavoq.