ICC-p FN-imi suliniutai ullumi sammineqassapput

ICC-p Alaskami qulissaannik ataatsimeersuarnerata ulluisa aappassaanni oqaluuserineqartussat sammineqartussallu imaannaanngitsunik imaqarput.

Inuit issittormiut kattuffiata Naalagaaffiit Peqatigiinni suliniutai nunarsuarmilu oqallittarfiit allat aqqutigalugit suliniarnera ullumikkut oqaluuserineqarlutillu sammineqassapput.

Inuit najugaqarfiini tamani pissutsinut tunngasunit aallartilluni avammut attaveqarnerit suleqateqarnerillu sammineqassapput.

- Avataani pisunit, soorlu nunarsuarmioqatigiit ataatsimuuleraluttuinnarnerannit tatineqarnermut, nunarsuarmioqatigiillu avatangiisaannut mattussinnaanngilagut. Taama oqaasertalimmik ullumi oqallinnissaq ilaatigut aallaaveqassaaq.

Silaannaap allanngoriartornerata, avatangiisinillu mingutsitsinerup issittumut kinguneri, uumassusillit assigiinngisitaarnerat pillugu isumaqatigiissut, nunat inuiisa pisinnaatitaaffii pillugit Naalagaaffiit Peqatigiit nalunaarutaat, FN-imilu oqallittarfik, kiisalu piniarnermut arfanniartarnermullu pisinnaatitaaffiit saqqummiinertalimmik oqallinnertalimmillu ullumi sammineqassapput.