ICC naalakkersusoqarfimmut nuunneqarnertik akuerinngilaat
Inatsisartut ataatsimiinneranni kingullermi aningaasanut inatsit pillugu oqallinnermi aalajangerneqarpoq Inuit issittormiut siunnersuisoqatigiiffiat inatsisartut siulittaasoqarfiata oqartussaffianiikkunnaarluni nunanut allanut naalakkersuisoqarfiup ataaniilissasoq. Inuit Issittormiut siunnersuisoqatigiiffiat immikkut ittumik ullumi ataatsimiippoq siulitaasorlu Aqqaluk Lynge aalajangersimaneq naamagina ima oqarpoq.
Ukiut 22it FN-ikkoortumik nunat assigiinngtsut suleqatigalugit ICC ilungersorluni, nunat inoqqaavisa pisinnaatitaaffiisa nalunaarutaat/aalajangersagaat sorsuutiginikuuvaat massakkut saqqummersoq angullutigulu polikikkut aqunniarneqalerpugut, imaluunniit suna toqqammaviunersoq naluara imaasinnnaavoq misigissutsit nuannerpallaanngitsut pissutaasinnaapput. Aqqaluk Lynge oqarpoq. ”Ajornartorsiuteqarpugut uani aalajangikkami inatsisartut naalkkersuisut ajornartorsiuteqarput, ICC nassuiaateqartariaqarpoq, permanent forumimi ilaasortaavugut, taamaattumillu isigineqarnerput innalerneqariaannavoq” Kalaallit Nunaanni Inuit Issittormiut Siunnersuisoqatigiiffianni siulitaasoq Aqqaluk Lynge oqarpoq.
Inatsisartut ataatsimiinneranni inatsisartunut ilaasortaq Demokraatineersup Palle Christiansenip oqaatigaa ICC nunanut allanut naalakkersuisoqarfimmut nuunneqarneratigut tapiissutigineqartartut appartinneqarsinnaalissasut, tamannalu malugineqarsinnaalissasoq.
