ICC-mi ataatsimeersuariartut sullisitik atiinnaqaat

Aningaasarsiornikkut ineriartorneq ullup qeqqata siorna sammineqassaaq. Silap nunarsuatsinni kiatsikkiartornera inuussutissarsiornikkut nutaanik periarfissiivoq, aammali inuit nunaanni unammillernartuulluni. pisuussutinik uumaatsunik imaaniit qalluineq unammilligassanut angisuunut ilaavoq.

Nana Regional Corporation Alaskap siulittaasua, Marie Greene, oqalugiartussani pingaarnerpaavoq.

Avatangiisit ullup qeqqasioreernermi sammineqassapput. Assigiinngiiaartunik uumasoqarnera immallu mingutsinneqarnerat issittumi unammilligassanut ilaapput. Pinngoqqaatit pillugit danskit katersugaasivissuaneersoq professor Minik Rosing pingaarnertut oqalugiartuussaaq.

Inersuarmi taamanna marloriarluni katerisimaareernermi nunanit sisamaniit aallartitat avissaartuutissapput, saqqummiussat tamarmik immikkut oqaluuserissallugit.