Avatangiisit

URANI ICC Kuannersuarni piiaavissaq pillugu nalunaarusiamik saqqummersitsissaaq

Inuit Issittormiut Siunnersuisoqatigiiffiat Kalaallit Nunaat nalunaarusiamik nutaamik pisortatigoortumik ullumi saqqummiussissaaq. Kujataani Kuannersuarmi aatsitassanik piiaanissamut pilersaarummi innuttaasut peqaatinneqarnissaannut pisariaqartitsineq tassani pineqarpoq.
Allattoq Inge S. Rasmussen
apriilip 19-at 2016 06:53
Nutserisoq Jaaku Lyberth

Nalunaarusiaq taaguuteqartinneqarpoq " Ajorpoq - vi får ingen svar " Ajorpoq akineqanngilagut, inuiaqatigiilerinermik bacheloritut ilinniagaqartumit Mia Olsen Siegstadimit aamma eskimologimit maannakkullu ICC-imi pisortamit Mads Fægteborgimit allanneqarpoq.

Nalunaarusiamik allattut taakkua marluk kujataani siorna ukiakkut angalapput, innuttaasut naammattumik paasitinneqarsimanersut paasiniarlugu, Kuannersuarmilu aatsitassanik piaanissamut pilersaarusiornermi peqataatinneqarsimanersut misissorlugu.

Aatsitassarsiornissamut pilersaarusiami tapersersuisut akerliusullu pitsaanerusumik paasitinneqarnissaminnik pisariaqartitsinersut innuttaasullu pitsaanerusumik peqataatinneqarnissaat pisariaqartinneqarnersoq nalunaarusiami pingaarnerutillugu oqariartuutigineqarpoq.

Tusagassiortunik katersortitsinermi ullumi nalunaaqutaq aqqanermut ICC Kalaallit Nunaanni siulittaasoq Hjalmar Dahl aamma nalunaarusiamik allattut nalunaarusiaq pillugu saqqummiusissapput ilisaritillugulu.

Nalunaarusiaq ataani kakkiunneqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk