ICC Kalaallit Nunaata nuna tamakkerlugu aallartitai ullumi ataatsimiissapput
Aallartitat ataatsimiinnermi oqaluuserisassaat assigiinngitsorujussuupput, assersuutigalugu Pikialasorsuaq pillugu pilersaarut, Naalakkersuisunut siornatigut siulittaasuusimasup Kuupik V. Kleistip saqqummiutissavaa, soorlu Kuannersuarni aatsitassarsiornissamik pilersaarummi innuttaasunik peqataatitsineq pillugu misissuinissaq Mia Siegstadimit Mads Fægtebormillu saqqummiunneqassasoq.
Inuttut pisinnaatitaaffiit pillugit naggueqatigiit Inuit allaffianni sulineq Carl Christian Olsenip Aqqaluk Lyngellu saqqummiutissavaat, ICC-milu 2014-imit 2018-imut qinigaaffiup ingerlanerani suliassatut pilersaarutit ICC Greenlandip præsidentianit Hjalmar Dahlimit Martha Abelsenimiillu saqqummiunneqassasut.
ICC-p Alaskami 2018-imi ataatsimeersuarnissaa, ICC-p nuna tamakkerlugu aallartitaasa ataatsimiinnerat naammassillugu oqaluuserineqassaaq.