ICC: EU eqqunngilluinnartuliorpoq

Puisit amiinik eqqussuinermik inerteqquteqalernissamik EU-mi nunanut allanut ministerit aalajangernerat naggueqatigiit Inuit Nunatsinneersut, Canadameersut, Alaskameersut Tjukotkameersullu eqqunngilluinnartuliornerunerarpaat.
juulip 29-at 2009 05:39

ICC-mi præsidenti, James "Jimmy" Stotts, Alaskameersoq, oqarpoq, EU-p politikkikkut nammineq siunertaanut siorna novembarimi aalajangiussamut illuatungiliuttumik iliuuseqartoqartoq.

- EU-p iliornera paasiuminaalluinnarpoq. Issittumi nunap inuiinut naggueqatigiillu Inuit kulturiannut toqqaannartumik saassussineruvoq.

EU Issittumi Siunnersuisoqatigiinnut alaatsinaattutut ilaalernissaminik qinnuteqarpoq, James "Jimmy" Stottsilli EU tassani sussanersoq takusinnaanngilaa.

- Taama misigissuseqanngitsigisumik iliuuseqarsinnaallutik Issittumi Siunnersuisoqatigiinni alapernaatsutut ilaasortaanissamik qinnuteqarfigisaminni susassaqarnersut paasiuminaappoq, oqarpoq.

Nunatsinni Naalakkersuisut siulittaasuata, Kuupik Kleistip, pisup Nunarsuarmi Niueqatigiinnikkut Kattuffiup, WTO-p, susassaqarfigisaattut oqariartuuteqarnera tusarlugu ICC-p nuannaarutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq