ICC Alaskami ataatsimeersuartitsivoq
Ukioru decemberimi Københavnimi silap kiatsikkiartornera pillugu ataatsimeersuarnissamut piareersaatitut Alaskami Anchoragemi ICC-p aaqqissugaanik ataatsimeersuarnermi Aqqaluk Lyngep oqalugiaatigaa silaannaap kiatsikkiartornerata issittup inuinut qanoq kinguneqarsimanera.
Allattoq Elisa Isaksen
apriilip 21-at 2009 17:09
Ataatsimeersuarnermi inuit 500-t missingi nunanit 70-ineersut peqataapput. Siunertaavoq nunarsuarmi siuttut iliuusissaannik nunap inoqqaavinit ataatsimut oqaaseqaatiliuutissallugit.
Nunap qeriuaannartup aannerata, sinerissallu nunataata nungukkiartornerattaaq oqalugiaatigaa.
Issittup inoqqaavisa ilisimasanik paarlaateqatigiinnermikkut nunarsuarmioqataasut silap kiatsikkiartornerata kingunerinik paasissutissippaat.
Assersuutitut taava Manerassuarmi qeqertaaqqani Tuvaluni immap qaffakkiartornerata kinguneranik innuttaasut allanut nuuttariaqalersimanerat.
