IAPP KNAPKimiit aniniarunnaarpoq

Ilulissani aalisartut akornanni avissaartuuttoqarnera malunnarsivoq. Aalisartut Piniartullu Peqatigiiffianni ilaasortat 2012imi augustimi KNAPKimiit anillutik Qaleralinniat Kattuffissaanik pilersitsinissamut suliakkiuteqarsimangaluartut maanna isummatik allanngortippaat. Peqatigiiffillu KNAPKimiit aniniarunnaarpoq.
Allattoq Oline I. Olsen
januaarip 28-at 2013 07:38

-Suu, aniniarunnaarpoq, pissutigalugu KNAPKimiit avissaartinneqarsinnaanngimmat, IAPPimi siulersuisunut ilaasortaq Johan Villadsen oqarpoq nassuiaallunilu inatsitsit aninissamut periarfissiisimanngitsut. 

Tamannalu Qaleralinniat Kattuffiannik pilersitsiniarlutik suliniuteqartut ilungersuummissutigaat. 

-Ilungersuumminarpoq taamatut suliakkerneqareernikuulluni, Qaleralinniat kattuffissaanni siulittaasuugallartoq Anthon Lindenhann oqarpoq nassuiaallunilu Qaleralinniat kattuffissaannik pilersitsinissamut ataatsimeersuartitsinissaq sapaatip akunnerata tulliani ullulerneqassasoq.

KNAPKimi ulluinnarni aqutsisut IAPPimi ilaasortanut ataatsimiisitsinermi kattuffimmi nutarterisoqartoq oqariartuutigaat, tamannalu IAPPip KNAPKimiit aniniarunnaaranik kinguneqarpoq. Tassami KNAPK pissutsinut naleqqukkunnaarsimasoq ilaatigut tunngavigalugu IAPP KNAPKimiit aniniarluni oqariartuuteqarnikuugaluarpoq.

-Nutarterinissaq tutsuiginassuseqarluartumik ingerlanneqarami massakkut, KNAPKimi ulluinnarni aqutsisunut ilaasortaq, Henrik Sandgreen KNAPKimi ulluinnarni aqutsisunut ilaasortaq IAPPimut taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq