IA: uran pillugu inuttaasut tusarniarneqartariaqarput

Innuttaasut isumaat tusaqqaarlugu  uran-imut naaggaarluinnarnerup atorunnaarsinneqarnissaa IA-p inatsisartuni sulinerminnni anguniarpaa.

Innutaasut apereqqaarnagit aalajangerneq tamat oqartussaaqataanerannik innarliinerusoq IA isumaqarpoq.

Sulianut angisuunut aatsitassarsiornermilu arlaannaanulluunniit attuumassuteqanngitsumik paasissutissanik pissarsiniarnermi aningaasaateqarfimmik  pilersitsinissaq Inuit Ataqatigiit inatsisartut ukiaanerani ataatsimiinneranni anguniaagasa ilaagaat.

Uran-imut naaggaarluinnarnerup atorunnaarsinneqarnissaa inatsisartut ukiaanerani ataatsiminneranni aalajangiiffigineqartussaavoq

- Uran-imut naagaarluinnarnerup atorunnaarsinneqarnissaa inatsisartuni amerlanerussuteqartut aalajangiiffigisussanngorpaat, tamatumalu kingorna innutaasut aatsaat peqataatinneqassasut,  IA sinnerlugu inatsisartuni ilaasortaq Sara Olsvig, Inuit Ataqaqatigiit inatsisartut ukiaanerani ataatsimiinnissaani suliassanik saqqumiussineranni  oqarpoq,