IA: Siumup anguniagai imaaliallaannaq pisinnaanngillat

Siumup ataatsimeersuarnerani partiimi siuttut meeqqat sumiginnakkat, aalisartut piniartullu, utoqqalinersiutillillu ikiorniarlugit suligasuartussanik pilersitsiniarlutik saqqummiussaqarput, aamma kalaalinngorsaanerup aallartinneqarnissaa aalajangiunneqarpoq. AG’p naatsorsuinera naapertorlugu anguniakkat 60 millioninik naleqassapput.

Kuupik Kleist, Siumup naalakkersuisoqataa Inuit Ataqatigiinneersoq oqarpoq, partiit anguniagaat inatsisartuni aalajangiisoqartinnagu oqaluuserineqaqqaassasut.

- Erseqqissaatigissavara partiit ataatsimeersuartut kiffaanngissuteqarmata qanorluunniit aalajangersaanissaminnut, aammalu siunertaminnik anguniagassanik nalunaaruteqqarnissaminnut, Kuupik Kleist oqarpoq.

- Partiit suulluunniit anguniagai inatsisartuni aatsaat isumaqatiginniutigineqaqqaarlutik aatsaat piviusunngorsinnaapput, uagullu IA-minngaanniit Siumup anguniagai tusaatissatut tiguagut, Kuupik Kleist oqarpoq.

Siumup anguniagai inatsisartuni amerlanerussuteqartunik akuerineqarpata aningaasanut inatsisissaq oqaluuserineqalerpat ilanngunneqassapput.