IA Siumullu Folketingimi assortuuttut

Siumup folketingimut ilaasortaatitaata Doris Jakobsen § 20 naapertorlugu (nunatsinni § 37-ip assinga) isumaginninnermut ministerimut Annette Vilhelmsenimut apeqquteqarpoq. IA-p sinniisuutitaata Johan Lund Olsenip oqaatigisai tatigineqarsinnaanersut paaserusuppaa.
Allattoq Peter Troelsen, Simon Uldum
novembarip 21-at 2013 09:40

Doris Jakobsenip ministerimut taamatut apeqquteqarneranut pissutaasoq tassaavoq , Johan Lund Olsen arlaleriarluni ima paasisarialimmik oqarsimammat, Danmarkimi kalaallinut suliniutaasut ingerlaqqinnissaannut aningaasalersuinissaq qulakkeerneqarsimasoq ministerimit neriorsorneqarsimalluni.

Satspuljemit aningaasat agguaanneqartussat ilisimaneqartutut suli isumaqatiginninniutigineqarnerat inissinneqarsimanngilaq, taamaammat Lunmd Olsenip paasissutissat suminngaanniit pissarsiarisimanerai paasiuminaalluni. Danmarkimilu kalaallinut suliniutit pillugit erseqqissumik paasisaqarnissaq siunertaralugu susassaqarfimmut ministeri akuliutsinniarneqarpoq.

-Uanga ima paasivara, satspuljemit ukiiormanna aningaasanik agguaassinissaq pillugu ministerimut isumaqatigiissuteqarnikkut pisimassasoq. Taamaammat ministeri qinnuigissavara Johan Lund Olsenip neriorsuutai namminerlu matumani qanoq inissisimanini oqaaseqarfigeqqullugit, Doris Jakobsen ministerimut apeqquteqaammini taama allappoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq