IA: Politikkikkut aalajangersaasariaqarpugut
Inatsisartut Peqqinnissamut ataatsimiititaliaani ilaasortaq Johan Lund Olsen radioavisimut oqarpoq Peqqinnissamut Ataatsimiititaliap ataatsimiigasuarnissaa sapaatip akunnerisa pingasut matuma siornali piumasarisimagini ilaatigut Nuummi Dronning Ingridip napparsimavissuani pissutsit nalilersorneqarniassammata.
Allattoq Mads Lynge
oktobarip 29-at 2008 05:18
- Inatsisartulli Peqqinnissaq pillugu ataatsimiititaliaanut suli ataatsimiigiaqquneqanngilagut, suliarli ingerlasoq pillugu Peqqinnissamut naalakkersuisoq suliaq alla pillugu Ark’alo Abelsen isumasiulerutsigu Peqqinnissamut Ataatsimiititaliami ataatsimiipallannissarput piumasariniarpara, Johan Lund Olsen oqarpoq.
Nakorsat peqqissaasullu taartaasartunik atorfinitsitsisinnaajunnaarnerup kingorna napparsimavissuup ingerlanneqarnerani pissutsit erloqinarsinerat ullut kingulliit ingerlanerini KNR-imut oqaatigisarpaat.
- Napparsimmavissuarmili pissutsit ilorraap tungaanut saatinniarlugit politikkikkut aalajangersaasariaqarpugut, Johan Lund Olsen oqarpoq.
