IA-p qinigassanngortitai ataasinngorpat aatsaat saqqummiunneqassapput

Inatsisartunut novemberip 15-ini qinersisoqalerpat IA-kkut qinigassanngortitassaat ataasinngorpat tamanut saqqummiunneqassapput. Qinigassanngortitassat kikkuuneri ullumikkut tamanut saqqummiunneqartussaagaluarput. Partiilli siulittaasua Josef Motzfeldt Danmarkiliarluni angalavoq, borgmesterit kommunaldirektørillu Ålborgimi sapaatip akunnerata naanerani ataatsimiinneranni peqataajartorluni. Taamaattumik avammut saqqummiussinissaq kinguartinneqartoq IA-p allattaata Avva Mathiassen nalunaarutigaa.

Sermitsiami ullumi saqqummersumi allassimavoq Demokraatit qinersinerup kingorna tallimanik allanngortinneqarsinnaanngitsunik piumasaqarlutik IA suleqatigalugu naalakkersuisunngortitsiniarnerat IA-mit taperserneqanngitsoq.

- Qinersinissaq sioqqullugu piumasaqaatinik allanngortinneqarsinnaanngitsunik tusagaqarusunngilagut, IA-p siulittaasua Josef Motzfeldt Sermitsiamut ullumi saqqummersumut oqarpoq.

Demokraatit naalakkersuisoqateqarniarunik tallimanik allanngortinneqarsinnaanngitsunik piumasaqaateqarput. Meeqqat sumiginnakkat ikiorsiivigineqarnissaat, sivisunerusumik erninerup kingorna sulinngiffeqartarnissaq, meeqqat atuarfiata misissorneqarnissaa, inissaaleqisut ikilisarneqarnissaat kiisalu ilassinnissutit naalakkersuisullu inigisartagaasa sukannernerusumik nakkutigineqarnissaat Demokraatinit piumasarineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat