IA-p qinigassanngortitaa: Qineqqusaarnermi neriorsuutitik qimarratigilereerpaat

Anemarine Schmidt Hansenip pingaartumik ingasaassiniarlutik saamerliuniartut partiiat Partii Inuit isornartorsiorpaa. Pingaartumik aatsitassarsiornermut tunngatillugu partiit iliuuserisai paasiuminaatsippaa.

- Partiit Inuit paasiuminaatseqaakka qineqqusaarnermi qanorsuaq inuiaqatigiinnut nassujaasaqattaarput Uranimut naaggaarluinnarlutik, nalunngilarpullumi aamma partii inuit sinnerlugit qineqqusaartitaq Lars Mathæussen qanorujussuaq uuliasiornernut aammalu aatsitassiornermut akilerlilersuilluni tusagassiutitigut qinersineq sioqqullugu ilanngutassiisaqattaarnikuusoq tamannana qanoq paasisarialik? Isumaqarpunga qinersisartunik uupakaatitinerusoq ersarissoq takuneqarsinnaalereersoq, Anemarie Schmidt Hansen IA-meersoq oqarpoq.

Partiit naalakkersuisunngortitseqataasut aamma Anemarie Schmidt Hansenimit mininneqanngillat. Qineqqusaarnermi neriorsuutit eqquutsinneqarsinnaanngitsut Anemarie Schmidt Hansenip uparuarpai

- Taassuma saniatsigut siumut aamma atassutip partiiata inigisanut akiliutit millisinneqarnissaat neriorsuutigaat, aammalu utoqqalinersiat aamma siusinaartumik sulisinnaajunnarnersiutillit aappaasup isertitaai apeqqutaatinnagit qaffanniarpaat, aammalu ilinniagaqarnersiutit qaffanneqassasut qineqqusaarutigineqarnikuupput , aammalu minnerunngitsumik aalisartut piniartullu 1500,00kr akiliutigisartagaat atorunnaarsinniarpaat, massakkut apererusunnarsivoq aningaasammitaavami suminngaanniit aaneqassanerpat, Anemarie Schmidt Hansen aperivoq.