IA-p Demokraatillu suleqatigiissinnaanertik mattutinngilaat

Qinersisartut isumasiorneqarneranni Demokraatit partiitut siuariarnertik akorlugu partiimik suleqateqarlutik tulliani qinersinermi<br />naalakkersuisunngortitseratarsinnaanertik periarfissaqarpat Inuit Ataqatigiit piviusorsiornerusumik politikkeqarnerat pillugu suleqatigerorusunnerullugit, Demokratit siulittaasuata Per Berthelsenip oqaatigaa.

Sermitsiaq aamma isumasiuisarfik HS analyse inuit 829-t isumasiormagit Inuit Ataqatigiit, Demokraatit Siumullu amerlaqatigiingajalluinnarput. Isumasiuinerlu inerneri taamaaginnassappata partiit taakku akunnerminni suleqatigiillutik naalakkersuisooqatigiliorsinnaanerat periarfissaalissaaq. Demokraatillu siulittaasuat Per Berthelsen isumaqarpoq apeqqummi tassani Inuit Ataqatigiit isumaat Demokraatit isumaannut naapertuunerujartuinnartoq, Per Berthelsenip maluginiarpaa qineqqusaartarnerni Inuit Ataqatigiit isumaqinninnermut ilinniartitaanermut aningaasaqarnermullu politikkiat kiisalu naalakkkersuinermi aqutsinermut Demokraatit IA-kullu piviussorsiortumik naapeqatigiinninniarsinnaasut.

Suleqatigineqarusussinnaasoq Inuit Ataqatigiit siiulittaasuat Josef Motzfedlt oqarpoq tusagassiorfiit aqqutigalugit isumaqatigiinniarneq ingerlanneqartussaanngimmat, isumaqarpoq partiit pingasut naligiinnerusumiik isumasiuinermi inissisimalernerat isiginngitsuusaaginnarnagu suleqateqarnissamik periarfisseeqqittoq.

Josef Motzfeldtip qalleqqissarpaa IA-p naalakkersuinikkut isumaliortaasertik sulinertillu partiinit allanit ilisimaneqartoq.

Demokraatit siunnerfii isumaqatigiinniarnissami IA-mit ilisimaqaqqaarusupput, naalakkersuinermilu sulinermi assigiingitsut nalilerneqaqqaartariaqarlutik.

- Isummanik naapitseriaasinnaaneq, isumasioqateqarsinnaaneq isumaqatigiinniarsinnaanerlu Inuit Ataqatigiinnit pingaartittuarparput, Inuit Ataqatigiit siulittaasuat Josef Motzfeldt oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat