IA-p ataatsimeersuarnera aallartippoq

Nal. 13.00 partiip naalakkersuisuutitaqartup aappaa Inuit Ataqatigiit nuna tamakkerlugu ataatsimeersuarluni Nuup katersortarfiani aallartippoq.

Ataatsimeersuarneq naatsorsuutigineqartumiit pissanganarnerusussatut isikkoqalerpoq. Inuit Ataqatigiit siulittaasussaatut arfininngorpat qinersisoqalerpat maannamut siulittaasoq Josef Motzfeldt unammillertissaqalermat.

Siulittasunngorniunermi sassartoq tassaavoq Enok Sandgreen, Aasianni kommunalbestyrelsimut ilaasortaq, Akunnaamilu nunaqarfiup aqutsiuini siulittaasuusoq.

Inuit Ataqatigiit ataatsimeersuarnerat ammarlugu Nuup kommuniani borgmester Agnethe Davidsen (S) tikilluaqqusisussaavoq, aamma siulittaasup oqalugiarnerata saniatigut oqalugiartussat allat ilagaat SIK KNAPK-lu.

Siulersuisuunerit nalunaarutaat, Inatsisartuni, kommunini, nunaqarfinni aqutsisuni assigisaanilu IA-p ilaasortaatitaaasa nalunaarutaat saqqummiunneqartussaasapput.

Siulersuisuunerit nalunaarutaat naatsorsuutillu unnugu oqaluuserineqassapput.

Inuit Ataqatigiit ataatsimeersuarnerat arfininngorpat siulittaasumik siulersuisuunernillu qinersinernik naammassineqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat