IA: Nunaqarfinni suliffeqarfiit ataatsimut kiffartuussivinngortinneqarlit
Nunaqarfinni suliffeqarfiit pisortanit ingerlanneqartut tamarmik immikkut sulisoqarlutillu aqunneqarnerat allanngortinneqartariaqartoq, Isak Hammond isumaqarpoq.
Allattoq Louise M. Kleemann
Suliffeqarfiit nukissiuuteqarnermut, pisiniarfeqarnermut ikummatissanullu tunngasunik ingerlatsisut, ataatsimut kiffartuussivinngortillugit nunaqarfimmiunit ingerlanneqalernissaat, Isak Hammondip, Inuit Ataqatigiinneersup, siunnersuutigaa.
Taamaattumik nunaqarfinni ingerlatsiviit ataatsimoortinneqarnerisigut nukinnik atorluaaneq anguneqarsinnaasoq, Isak Hammond isumaqarpoq.
Piginneqatigiilluni kiffartuussivinnik nunaqarfinni pilersitsinikkut nunaqarfimmiut akisussaaffimmik annermik tunineqarnissaat politikerit akornanni oqallisigineqartariaqartoq, Isak Hammond isumaqarpoq.