IA Nalerarlu: sanaartornermut atortussat nunatsinneersut suliffissaqartitsipput

Illuliornermut atortussanik eqqussuivallaarpugut, Inuit Ataqatigiit, Partii Naleqqamiillu taama oqarput.

Taamaammat sanaartugassanik suliaqartartut nunatsinneersunik atortussanik atuerusuttut siunissami taperserneqartalersillugit neqerooruteqarnermut inatsimmik allannguutissaqarnissamik, Naalakkersuisut aalajangiiffigisassatut siunnersuuteqarfigaat. 

Qarmassiaq nunatsinneersoq SIKU-blok, Narsami sananeqartartoq uani pineqarpoq, kiisalu marrarmut atortut Nuup Akianinngaanneersut.

Aamma atuaruk Qarmasissialiorfik uummarsaqqikkusukkaa

Qarmassiamillu sanaartortoqaleqqissinnaaguni ingerlalluarsinnaasoq siunnersuutigineqarpoq, sanaartornermut atortussanik nunatsinnut tulluartunik sanasoqarsinnaammat, aningaasaqarnikkullu iluaqutaallunilu, suliffissarpassuarnik pilersitsisinnaammat.

Aqqaluaq B Egede, Per Rosing Petersenilu isummersuutissatut siunnersuuteqartuupput.

Taaneqartut 2002-imi assingusumik aamma siunnersuuteqarput.

Siunnersuut itigartinneqassasoq Naalakkersuisut aalajanngiipput, kalaallimmi sanaartornermut atortussaataannik atuisinnaanissamut periarfissaqarnerat inatsimmi ullumikkut atuuttumi erseqqissarneqareermat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat