IA-mit Inatsisartuni ilaasortaq Mimi Karlsen napparsimalluni sulinngiffeqartoq
Inuit Ataqatigiinnit Mimi Karlsen napparsimalluni nalunaartariaqarsimavoq. Inatsisartut ukiakkut ataatsimiinnerisa tallimanngormat aallartinneraniit ullualuit qaangiummata taamaaliorpoq.
Inatsisartunut kingullermik qinersinermi ima taaguunneqartigipput:
* Mariane Paviasen 95-init taaguunneqarpoq.
* Bo Martinsen 51-init taaguunneqarpoq.
* Rachel H. Ingemann 36-nit taaguunneqarpoq.
Tusarfik: KNR, Sermitsiaq.ag
Sermitsiaq.ag. taama allappoq.
Maria Paviasenip Mimi Karlsen napparsimalluni sapaatit akunnerini pingasuni tulliuttuni sulinngiffeqarnerani paarlassavaa.
Marianne Paviasen Narsami aatsitassarsiulersaarnermut akerliusut peqatigiiffianni Uran Naamik-mi ukiorpassuarni siulittaasuuvoq.
Taassuma Inuussutissarsiornermut Aatsitassanullu Naalakkersuisoq, Jens-Frederik Nielsen, ataatsimeeqatigeqqammerpaa.
AAMMA ATUARUK Anna Wangenheim Steen Lyngelu Inatsisartunit sulinngiffeqartut
Taannali Inatsisartuni ukioq manna aatsaat ilaasortanngortuni kisiartaanngilaq. Politikerimmi allat marluk Demokraatinit Inatsisartuni ilaasortanngussapput, Anna Wangenheim Steen Lyngelu sulinngiffeqarneranni paarlallugit.
Taaakku tassaapput Bo Martinsen Rachel H. Ingemannilu. Taakku peqqissutsimut naalakkersuisup aamma nunanut allanut tunngasunut nukissiuuteqarnermullu naalakkersuisup Inatsisartuni sulinngiffeqarneranni Inatsisartuni ilaasortaassapput.
