IA: Kujataani avannaanilu umiarsunik angallassineq aaqqiivigineqartariaqarpoq!
Inuit Ataqatigiit nunatsinni angallassinermut tunngatillugu oqallinnermut akuliupput, sinersortaatinillu angallassineq pitsanngorsaavigineqartariaqartoq oqaatigalugu:
- Nunatsinni angallanneq timmisartuinnarnik ingerlanneqarsinnaanngitsoq paasineqareerpoq, tamanna angalaniartut amerlassusaannut naammanngilaq amerlasuunullu akisuallaarluni, Inuit Ataqatigiit siulittaasuat Kuupik Kleist allappoq.
"Marloqiusanik angallassineq qimanneqavinnikuunngilaq, aningaasartuutit eqqarsaatigalugit, umiarsuarnut ilaasartaatitunut tapiissutaasartut, ilinniartitaanermut atorneqarnissaat uagut aalajangiiffigeqataanikuuvarput, naak taamatut aalajangerniarneq ajornakusooraluartoq" Kuupik Kleist ualimut radioaviisimut oqarpoq.
Inuit Ataqatigiit Maniitsumi Junip aallaqqaataani ataatsimeersuarneranni, inatsisartunut ilaasortaatitaat piumaffigineqarput kujatatani avannaanilu umiarsuarmik ilaasaartaatinik aaqqiinissamut peqataassaat kissaatigineqarluni.
