IA Folketingimi aningaasaqarnermut ministeri ataatsimeeqatigaat

Naak aningaasaqarnermut inatsit akuersissutigineqareeraluartoq Aaja Chemnitz Larsenip naapinnertik nuannaarutigaa.

- Aningaasaqarnermut ministerip kiisami ataatsimeeqatiginera nuannaarutigaara. Aningaasanut inatsit naammassineqareeraluartoq uanga folketingimut ilaasortatut anguniakkatut saqqummiunnikuusakka ministerip aningaasaliiffiginissaannut periarfissaqarnersut misissorniarpai. Aningaasaqarnermut ministeri soqutiginnippasippoq maannalu akissutissarsinissarput utaqqiinnarparput, Aaja Chemnitz Larsen oqarpoq.

Danskit aningaasanut inatsisaannut Inuit Ataqatigiit pingasunik suliuniutiminnik salliutitaqarput: Kalaallit Danmarkimi najugallit kajumissutsimik suliniuteqarfiginerinut pitsanngorsaanissaq, nunatsinni kommunefogit atugarisaannut pitsanngorsaanissaq, taavalu kalaallit Danmarkimi ilinniagaqartut atugarisaannut aamma pitsanngorsaq.