IA, Demokraatit Ivittuuneersorlu isumaqatigiissusiorput

Inuit Ataqatigiit, Demokraatit kiisalu Kattusseqatigiit Ivittuuniit Per Nukaaraq Hansenip akornanni Ikaarsaariarnermi Ataatsimiititaliami aammalu 2009-mi januaarip aallaqqaataniit atuulersumik kommunalbestyrelsissami suleqatigiinnissamut isumaqatigiissutilioriikatapput.

Demokraatit siulittaasuat Per Berthelsen aammalu Inuiat Ataqatigiit ataqatigiissaarisuat Ove Karl Berthelsen ualimut studiamut aggersarpavut suleqatigiittussanngornerat sumik aallaaveqarnersoq aperalugit. IA Demokraatillu kommunalbestyrelseni inatsisartunilu ukiuni arfineq-marlunni kingullerni suleqatigiinneq sungiusimalluarpaat.

- Isumaqarpunga piareersimalluarluta. Massakkut oqaloqatigiinnigut uani aallartisarnerini tunngaviususst assigiinngitsut, qulequttat, isumaqatigiissutigivagut. Taavalu pilersaarusiornissaq isumaqatigiissutissamillu sananissaq suliarissavarput, massakkut ulluni qaninnernerpaani isumaqarpugut naammassisinnaallutigu, Ove-Karl Berthelsen oqarpoq.

Per Berthelsen aperaarput aamma piareersimanersut.

- Kuupik Kleistilu uagut Namminersorneq pillugu ataatsimiititaliarsuarnut naggataajusumik ataatsimiigiartussaavugut, Københavnimut maajip 15-iani. Ulloqeqqa sioqqullugu naapillatsiarnitsinni tamatta piumassuseqarfigalugu nalunarutigaarput, tassa sapinngisamik angalanissarput pitinnagu saqqummiussassamik piareersitsiumaarluta, oqarpoq nangillunilu.

- Uani partiit piviusorsiornermik pingaartitsisut marluk ikioqatigiipput, taamaattumik takorluunngilara imatut oqimaatsigisumik naapitaqassasugut sivitsorsaataasinnaasumik, taamaattumillu takorloorluinnarpara ulluni aggersuni amerlanngitsuni isumaqatigiissusiaq iluamik suliarissasoq ilisaritissinnaassallugu, Per Berthelsen oqarpoq.

Innuttaasut sullilluarnissaat Kangia-kitaata kommunissaani aamma piareersarneqarpoq.

- Taanna siunertarilluinnarlugu manna isumaqatigiissusiornissaq suliarissavarput aamma kommunerujussuanngortitsinissani suliassat assigiinngitsut Namminersornerullutik Oqartussani ikarsaariarnermut ataatsimiititalianut isumaqatigiinniutigineqartussat assigiinngitsut tamaasa peqqissaartumik qimerlooriarlugit isumaqatigiissut pilersissavarput taamaattumillu pilersikkiartornerani kommuninilu ingerlataareersut assigiinngitsut suliassat misissoqqissaarlugit pitsanngorsarnissaat 2009-nngortinnagu 2009-llu ingerlanerani aaqqissuuteriissavagut, Ove-Karl Berthelsen erseqqissaavoq.

Demokraatit siulittaasuat tassunga atatillugu oqarpoq:

- Uanga qilanaarpunga maanna naalakkersuisuusunut illuatungiliuttut suleqatigiinnissartik ammaammassuk, taamaalilluta isumaqarluinnarpunga Nuup Kommuneani Namminersornerullutik Oqartussanutt isumaqatigiissutaasartut inatsisit malittarisassallu assigiinngitsut malillugit ingerlanissaanik sukannernerusumik ingerlatseqatigiinnissaat ammaanneqartoq kommunerujussuup iluaqutigisassaa. Per Berthelsen oqarpoq.

-Demokraatit oqariartuutigaat: ”Sumilluunniit tigusariaqanngitsugut tigusinermut atatillugu maannamit pitsaanerusumik innuttaasunut takutitsisinaanngikkutta, taama kingulliulluni Demokraatit siulittaasuat Per Berthelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat